By Asbarez | Friday, 30 November 2018
ԵՐԵՒԱՆ.- Հայաստանի Հանրապետութեան երրորդ նախագահ Սերժ Սարգսեանի եղբայրը՝ Ալեքսանդր Սարգսեան պատրաստակամութիւն յայտնած է իր դրամատնային հաշիւներէն մէկուն մէջ գտնուող 30 միլիոն տոլար գումարը ամբողջութեամբ վերադարձնել պետական պիւտճէ: Այս մասին յայտարարեց Հայաստանի վարչապետի պաշտօնակատար Նիկոլ Փաշինեան, Իջեւանի բնակիչներու հետ հանդիպման ընթացքին:
«Սերժ Սարգսեանի եղբօր՝ Ալեքսանդր Սարգսեանի բանկային հաշիւներից մէկի վրայ 30 միլիոն դոլար ունենալու վերաբերեալ բազմիցս խօսուել է: Իմ ելոյթից յետոյ Սերժ Սարգսեանի եղբայրը յայտարարութիւն էր արել, որ ինքը պատրաստ է այդ գումարի առնուազն մի մասը ինչ-որ նպատակների համար տրամադրել: Եւ ինձ ասում են, որ նա վերջերս պատրաստակամութիւն է յայտնել այդ ողջ 30 միլիոն դոլարը վերադարձնել պետական բիւջէ», ըսաւ Փաշինեան՝ ընդգծելով, որ վերադարձուած գումարները պէտք է առաջին հերթին ծախսուին բանակին վրայ:
Իջեւանի մէջ Նիկոլ Փաշինեան յայտարարեց նաեւ, որ Մաքսային ծառայութեան նախկին պետ Արմէն Աւետիսեանի ընտանիքը դիմած է Պետական գոյքի կառավարման վարչութիւն եւ պատրաստակամութիւն յայտնած Ծաղկաձորի մէջ գտնուող «Գոլդեն Փելես» հիւրանոցը նուիրելու պետութեան:
Յիշեցնենք, որ այդ հիւրանոցը, ըստ Ազգային անվտանգութեան ծառայութեան հաղորդագրութեան, կը պատկանի Արմէն Աւետիսեանի զաւակին՝ Արտաշէս Մինասեանին: Արմէն Աւետիսեանի նկատմամբ դրամի լուացման դէպքին առիթով քրէական գործ յարուցուած է:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին