Մերքել Շնորհաւորեց Փաշինեանի Ընտրական Յաղթանակը

By Asbarez | Saturday, 15 December 2018

1212merkel

ՊԵՐԼԻՆ, «Ամերիկայի Ձայն».-  Գերմանիոյ վարչապետ Անկելա Մերքել շնորհաւորական հեռագիր մը յղեց Հայաստանի վարչապետի պաշտօնակատար Նիկոլ Փաշինեանին, կը տեղեկացնէ «Արմէնփրէս»ը, վկայակոչելով վարչապետի պաշտօնական կայքը։

«Ընտրութիւններուն ընթացքին ձեր արձանագրած յաղթանակին առիթով ջերմօրէն կը շնորհաւորեմ ձեզ: Գերմանիան մեծ հետաքրքրութեամբ հետեւեցաւ այս տարի Հայաստանի Հանրապետութեան մէջ տեղի ունեցած խաղաղ իշխանափոխութեան: Մենք կը փափաքինք այսուհետեւ եւս մեր աջակցութիւնը յայտնել Հայաստանի Հանրապետութեան մէջ բարեփոխումներու իրականացման եւ վերահաստատել Երեւան կատարած իմ այցելութեան ընթացքին գոյացած համաձայնութիւնը՝ մեր յարաբերութիւններու խորացման վերաբերեալ», գրած է Մերքել:

comments

Advertisement