By Asbarez | Thursday, 17 January 2019
ԵՐԵՒԱՆ.- Հայաստանի նախագահ Արմէն Սարգսեան այսօր հրամանագիր ստորագրեց, որուն հիմամբ խորհրդարանի մեծամասնութեան թեկնածուն՝ Նիկոլ Փաշինեանը նշանակեց Հայաստանի վարչապետ:
«Հիմք ընդունելով Սահմանադրութեան 149րդ յօդուածին առաջին մասը, Նիկոլ Փաշինեանը նշանակել վարչապետ», գրուած է Հայաստանի նախագահին հրամանագիրին մէջ:
Նորանշանակ վարչապետ Նիկոլ Փաշինեան նախագահ Արմէն Սարգսեանի հետ հանդիպման ընթացքին կարեւոր նկատեց նախագահին, վարչապետին, կառավարութեան եւ Ազգային ժողովին համագործակցութիւնը:
«Պէտք է արձանագրել, որ անցնող 8 ամիսներուն ընթացքին որոշ փորձառութիւն ունեցած ենք, բայց, այնուամենայնիւ, ասիկա նոր իրավիճակ է, նոր հիմնարկային յարաբերութիւններ են, եւ մենք պէտք է կարենանք այստեղ ստեղծել այնպիսի աւանդոյթներ, որոնք կ՛երաշխաւորեն իշխանութիւններու յստակ բաժանումը, ժողովրդավարութիւնը, օրէնքի գերակայութիւնը եւ, անշուշտ, փոխզսպումներու եւ հակակշիռներու համակարգ», ըսաւ վարչապետը:
«Հայաստանի Հանրապետութեան քաղաքացիները պէտք է վստահ ըլլան, որ իշխանութիւն ձեւաւորելու իրենց իրաւունքը այլեւս երբեք ոչ ոք իրենց ձեռքէն պիտի առնէ, այլեւ նոյնիսկ փորձ պիտի չընէ, նոյնիսկ եթէ այդպիսի փորձ ընէ, վստահաբար պիտի ձախողի», ըսաւ վարչապետը:
Նախագահ Սարգսեան իր կարգին վստահութիւն յայտնեց, որ այս խօսքերը զուտ խօսքեր չեն, այլ խօսքեր, որոնց ոչ միայն կը հաւատայ վարչապետը, այլեւ նուիրուած է:
«Ձեր յաջողութիւնը մեր երկրի յաջողութիւնն է, մեր ժողովուրդին, մեր բոլորին, նաեւ իմ յաջողութիւնն է», ըսաւ Արմէն Սարգսեան:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
