Նիկոլ Փաշինեան Պետութեան Անունով Ներողութիւն Խնդրեց 2008 Մարտ 1ի Բոլոր Զոհերէն

By Asbarez | Monday, 04 March 2019

0302yerrt1

 

ԵՐԵՒԱն.- Հայաստանի Հանրապետութեան վարչապետ Նիկոլ Փաշինեան յղեց ուղերձ մը 1 Մարտ 2008ի դէպքերուն վերաբերեալ: Իր ուղերձին մէջ, վարչապետը կ՛ընդգծէ, որ այդ իրադարձութիւններէն 11 տարի ետք, շատ կարեւոր է քաղաքական գնահատական տալ տեղի ունեցածին:

Վարչապետը կ՛արձանագրէ, որ 2008ին, իշխող վերնախաւի գործողութիւնները ամենեւին ուղղուած չէին առանձին ուժի, խումբի, անհատի դէմ. այդ բռնութիւններուն եւ ապօրինութիւններուն հիմնական, եւ թերեւս միակ թիրախը Հայաստանի Հանրապետութեան քաղաքացին էր՝ անոր իրաւունքը, անոր արժանապատւութիւնը եւ ազատութիւնը:

Նիկոլ Փաշինեան պետութեան անունով ներողութիւն խնդրեց 1 Մարտ 2008ի բոլոր զոհերէն, անկախութենէն ի վեր Հայաստանի մէջ տեղի ունեցած բոլոր քաղաքական սպանութիւններու զոհերէն, քաղաքական հետապնդման ենթարկուած բոլոր քաղաքացիներէն ու քաղաքական ուժերէն:

Նշենք, որ վարչապետին գլխաւորութեամբ մարտմէկեան իրադարձութիւններուն տարեդարձին առիթով, Երեւանի մէջ, Ուրբաթ, 1 Մարտի երեկոյեան տեղի ունեցաւ երթ, որուն մասնակցեցան նաեւ վարչապետի տիկին Աննա Յակոբեան, Ազգային ժողովի նախագահ Արարատ Միրզոյեան, Երեւանի քաղաքապետ Հայկ Մարութեան, պատգամաւորներ, կառավարութեան անդամներ, բազմաթիւ քաղաքացիներ:

Երթը մեկնարկեց Երեւանի Ազատութեան հրապարակէն, անցնելով Մաշտոցի պողոտայով, Գրիգոր Լուսաւորիչ փողոցով եւ աւարտեցաւ Միասնիկեանի արձանին մօտ:

Վարչապետ Փաշինեան ծաղկեպսակ զետեղեց Միասնիկեանի արձանին առջեւ եւ յարգանքի տուրք մատուցեց բոլոր զոհերուն յիշատակին:

comments

More headlines

Մնացականեան - Արցախին` Բանակցութիւններու Սեղան Վերադարձը Չի Կրնար Զանոնք Փակուղի Տանիլ

Ահաբեկչական Յարձակումին Առիթով. Նախագահ Սարգսեան Ցաւակցական Հեռագիր Յղած Է Նոր Զելանտայի Կառավարիչ Փաթսի Ռետիին

Եթէ Պաքու Եւ Երեւան Համաձայնին, Մոսկուա Պիտի Ողջունէ Արցախի Ներգրաւումը Բանակցութեանց

Գերագոյն Հոգեւոր Խորհուրդը Աւարտեց Իր Աշխատանքները

ՀՅԴ Գերագոյն Մարմինի Յանձնախումբը Հանդիպում Ունեցաւ Եւրոպայի Հայ Դատի Յանձնախումբին Հետ

Հայաստանի Ազգային Անվտանգութեան Խորհուրդը Արցախի Մէջ Արտահերթ Նիստ Պիտի Գումարէ

Միջնորդները Բացել Են Փակագծերը Եւ Յիշեցրել Հիմնական Սկզբունքները

Փաշինեան. Պէտք Է Շարունակենք Հայոց Ցեղասպանութեան Միջազգային Ճանաչման Ուղղուած Քաղաքականութիւնը

Ատրպէյճան Ոչ Մէկ Քայլի Ձեռնարկած Է Իր Բնակչութիւնը Խաղաղութեան Պատրաստելու Համար. Շաւարշ Քոչարեան

ՀՅԴ Բիւրոյի Ներկայացուցիչները Հանդիպում Ունեցան Գարեգին Բ. Կաթողիկոսին Հետ

Advertisement