Լուսաւոր Հայաստան Կուսակցութեան Ղեկավարները Կը Հիւրընկալուին ՀՅԴի Կողմէ

By Asbarez | Saturday, 09 March 2019

0305lousavor

ԵՐԵՒԱՆ.- Երկուշաբթի, 4 Մարտին, ՀՅԴ Բիւրոյի գրասենեակին մէջ, ՀՅԴ Բիւրոյի ներկայացուցիչ Յակոբ Տէր Խաչատուրեան, Բիւրոյի անդամ Արսէն Համբարձումեան եւ ՀՅԴ Գերագոյն մարմինի ներկայացուցիչ Իշխան Սաղաթելեան հիւրընկալեցին «Լուսաւոր Հայաստան» կուսակցութեան նախագահ, Ազգային ժողովի համանուն խմբակցութեան ղեկավար Էդմոն Մարուքեանը, Ազգային ժողովի պատգամաւորներ Մանէ Թանդիլեանը եւ Գէորգ Գորգիսեանը:

Հանդիպման ընթացքին քննարկուեցան միջկուսակցական համագործակցութեան հնարաւորութիւնները, անդրադարձ եղաւ փոխադարձ հետաքրքրութիւն ներկայացնող շարք մը հարցերու, մասնաւորապէս՝ ազգային-պետական օրակարգին, Հայաստան-Սփիւռք յարաբերութիւններուն, ներքաղաքական իրավիճակին վերաբերող, ինչպէս նաեւ Հայաստան-Արցախ ռազմաքաղաքական դաշինք կնքելուն վերաբերող:

Պայմանաւորուածութիւն ձեռք բերուեցաւ միջկուսակցական շփումները շարունակելու, համագործակցութեան ուրուագծուած ուղղութիւններով համատեղ նախաձեռնութիւններով հանդէս գալու կարելիութիւնները քննարկելու, փոխադարձ հետաքրքրութիւն ներկայացնող հարցերու շուրջ, ըստ անհրաժեշտութեան, խորհրդակցութիւններ ունենալու վերաբերեալ:

comments

Advertisement