ՀՅԴ Բիւրոյի Ներկայացուցիչները Հանդիպում Ունեցան Գարեգին Բ. Կաթողիկոսին Հետ

By Asbarez | Saturday, 09 March 2019

0305buro

ՀՅԴ հանրային կապերու գրասենեակը կը հաղորդէ, որ Շաբաթ, 2 Մարտ 2019ի երեկոյեան, Ամենայն Հայոց Գարեգին Բ. կաթողիկոսը Մայր աթոռ Ս. Էջմիածինի մէջ ընդունեց ՀՅԴ Բիւրոյի պատուիրակութիւնը, Բիւրոյի ներկայացուցիչ Յակոբ Տէր Խաչատուրեանի գլխաւորութեամբ:

Հանդիպումին արծարծուեցան Հայաստանի, հայ ժողովուրդի եւ հայ առաքելական եկեղեցւոյ դիմագրաւած մարտահրաւէրները եւ Հայաստան-Սփիւռք գործակցութեան վերաբերող հարցեր:

ՀՅԴ ներկայացուցիչները արծարծուած հարցերուն մասին վեհափառին փոխանցեցին կուսակցութեան տեսակէտներն ու մտահոգութիւնները, յայտնելով համագործակցելու պատրաստակամութիւն՝ յանուն ազգային միասնականութեան:

comments

Advertisement