By Asbares | Sunday, 17 March 2019
ԵՐԵՒԱՆ, <<Երկիր>> - ՀՅԴ <<Արամ Մանուկեան>> երիտասարդական կեդրոնին մէջ, ՀՅԴ Հայաստանի Գերագոյն մարմինի արտաքին քաղաքականութեան, Սփիւռքի եւ հայրենադարձութեան հարցերու յանձնախումբը 14 Մարտին կազմակերպած էր հանդիպում-քննարկում ՀՅԴ Եւրոպայի Հայ Դատի յանձնախումբի նախագահ Գասպար Կարապետեանի եւ յանձնախումբի գործադիր տնօրէն Հեղինէ Էւինեանի հետ:
Էւինեան հանդիպման ընթացքին ներկաներուն ծանօթացուց ՀՅԴ Եւրոպայի Հայ Դատի գրասենեակի գործունէութեան, մասնաւորապէս Եւրոպայի մէջ հայկական շահերու պաշտպանութեան, հայկական կազմակերպութիւններու կողմէ իրականացող հանրային դիւանագիտութեան եւ Եւրոպական խորհրդարանի քաղաքական խումբերու հետ համագործակցութեան ծիրին մէջ տարուող աշխատանքներուն:
Գասպար Կարապետեան մանրամասնօրէն անդրադարձաւ Եւրոպայի խորհուրդի Խորհրդարանական վեհաժողովի (ԵԽԽՎ) եւ <<Եւրանեսթ>>ի մէջ Հայաստանի խորհրդարանական դիւանագիտութեան մարտահրաւէրներուն եւ Արցախեան հիմնահարցին շուրջ ներեւրոպական զարգացումներուն:
Յատուկ անդրադարձ կատարուեցաւ ապակեդրոն համագործակցութեան, ապակեդրոն ճանաչման եւ խորհրդարանական կապերու ծիրին մէջ Արցախի Հանրապետութեան միջազգային ճանաչման գործընթացին: Քննարկուեցան նաեւ Եւրոպայի մէջ իրականացող ատրպէյճանա-թրքական հակահայ քաղաքականութիւնը եւ նախաձեռնութիւնները, անոնց հակազդելու՝ ՀՅԴ Հայ Դատի Եւրոպայի գրասենեակի ջանքերը:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
