By Asbarez | Thursday, 09 May 2019
ԵՐԵՒԱՆ.- Հայաստանի տնտեսական զարգացման եւ ներդրումներու նախարարութեան մէջ, 8 Մայիսին ստորագրուեցաւ «Հայաստանի Հանրապետութեան կառավարութեան եւ Ամերիկայի Միացեալ Նահանգների կառավարութեան միջեւ աւելի մրցունակ եւ զանազանեցուած մասնաւոր հատուածի շուրջ օժանդակութեան մասին» համաձայնագիրի թիւ 12 (փոփոխութեամբ) տարբերակը:
Փաստաթուղթը ստորագրեցին՝ Հայաստանի կառավարութեան կողմէ տնտեսական զարգացման եւ ներդրումներու նախարար Տիգրան Խաչատրեան, Միացեալ Նահանգներու կառավարութեան կողմէ՝ Միջազգային զարգացման գործակալութեան (ՄԶԳ), Հայաստանեան գրասենեակի տնօրէն Տեպըրա Կրիզըր եւ ՄԶԳի Եւրոպայի եւ Եւրասիայի հարցերով փոխտնօրէնի տեղակալ Ալեքս Սոքոլովսքի:
ՄԶԳ կողմէ ներկայացուած թիւ 12 փոփոխութեան նախագիծով կը նախատեսուի լրացուցիչ 7,449,000 տոլարի չափով յատկացում կատարել ենթակառուցուածքներու, գիւղատնտեսութեան, զբօսաշրջութեան ոլորտներու մէջ ՄԶԳի կողմէ իրականացուելիք ծրագիրներու իրականացման:
Միացեալ Նահանգներու կողմէ Հայաստանին տրամադրուող յատկացումներու ընդհանուր գումարը ներկայիս 73,255,406.36 տոլար է: Թիւ 12 համաձայնագիրը ստորագրելէ ետք, Միացեալ Նահանգներու կողմէ տրամադրուող դրամաշնորհներուն ընդհանուր գումարը հասաւ 80,704,406.36 տոլարի:
comments
Նախագահ Սարգսեան Հանդիպում Ունեցաւ Իշխան Սաղաթելեանի եւ Արսէն Համբարձումեանի Հետ
Արցախի Հանրապետութիւնը Կայացած Ժողովրդավարական Պետութիւն Է․ Հայաստանի Նախագահին Յայտարարութիւնը
Արցախը Հայաստան Է Եւ Վերջ. Արայիկ Յարութիւնեան Ստանձնեց Արցախի Նախագահի Պաշտօնը
Հայաստանի Մէջ Քորոնայով Վարակուածներուն Թիւը Հասաւ 5041ի, Արցախի Մէջ 29ի
Հայաստանը Չի Բանակցելու Զէնքի Սպառնալիքի Ներքոյ. Փաշինեան Սահմանային Իրավիճակին Մասին
Թաւշեայ Յեղափոխութեան Մասին Ես Մենակ Չեմ Ժապաւէնը Միջազգային Փառատօնի Մրցանակակիր
Քոչարեան Կը Մնայ Բանտարկուած․ Դատարանը Մերժեց Պաշտպաններու Միջնորդութիւնները
ԼՂ Հակամարտութեան Հանգուցալուծումը Հիմնուած Է Փոխզիջման Սկզբունքի Վրայ. Նախարար Մնացականեան
