By Asbarez | Tuesday, 14 May 2019
ԵՐԵՒԱՆ, «Սիվիլնեթ».- Երեւան քաղաքի Աւան եւ Նոր Նորք վարչական շրջաններու ընդհանուր իրաւասութեան դատարանին մէջ, Երկուշաբթի, 13 Մայիսին մեկնարկեց Հայաստանի երկրորդ նախագահ Ռոպերթ Քոչարեանի գործով դատական առաջին նիստը:
Նիստին ներկայ էր նաեւ Քոչարեան: Ներկաները Քոչարեանի՝ դատարան մտնելու պահուն վանկարկեցին «ազատութիւն, ազատութիւն»: Դատաւոր Դաւիթ Գրիգորեան նիստին մեկնարկէն 10 վայրկեան ետք ընդմիջում յայտարարեց: Այս նիստին պիտի քննուէր Քոչարեանի խափանման միջոց կալանաւորումը փոխելու հարցը:
Քոչարեանի պաշտպան Հայկ Ա-լումեան դատաւոր Դաւիթ Գրիգորեանին ինքնաբացարկի՝ չորս էջերէ բաղկացած միջնորդութիւն ներկայացուցած է:
Պաշտպանները նշեցին, որ դատաւոր Գրիգորեան 6 Մայիսին ստանձնեց դատական գործը եւ ան այս կարճ ժամանակահատուածին մէջ չէր կրնար ծանօթանալ քրէական գործին:
Դատարանը ինքնաբացարկի միջնորդութեան քննութեան ձեռնարկած է:
Նշանակուեցաւ 14 Մայիսին յաջորդ նիստը, որուն ընթացքին պիտի հրապարակուի որոշումը:
Մինչ դատարանին մէջ կ՛ընթանար Քոչարեանի դատավարութիւնը, դատարանի բակին մէջ քանի մը քաղաքացիներ կատարեցին բողոքի ցոյց մը՝ ի պաշտպանութիւն Քոչարեանի:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին