Ամերիկա Կոչ Կ՛ընէ Սահմանադրութեան Համահունչ Կատարելու Հայաստանի Դատական Բարեփոխումները

By Asbarez | Tuesday, 21 May 2019

ԵՐԵՒԱՆ, «Ազատութիւն».- Միացեալ Նահանգները Հայաստանի կառավարութիւնը «կը քաջալերէ դատական բարեփոխումները իրականացնել երկրի սահմանադրութեան համահունչ միջոցներով», պատասխանելով «Ազատութեան» լրագրողին հարցումին՝ յայտարարեց Հայաստանի մէջ Ամերիկայի դեսպանատունը:

«Միացեալ Նահանգները յանձնառու է աջակցելու Հայաստանի մէջ անկախ դատական համակարգի ամրապնդման, ներառեալ՝ զեղծարարութեանց դէմ ուղղուած ջանքերուն եւ իրաւունքի գերակայութեամբ հաստատութիւններու ձեւաւորման: Այս քայլերը կը պահանջեն վճռականութիւն, զգօնութիւն եւ կառավարման թափանցիկ ու հաշուետու հաստատութիւններու կառուցման առաջնորդող երկարաժամկէտ ռազմավարութիւն», կ՛ըսուի դեսպանատան տրամադրած գրաւոր պատասխանին մէջ, որուն մէջ կ՛աւելցուի. «Հայաստանի ժողովուրդը յստակ կերպով մատնանշած է, որ կը սատարէ այս փոփոխութիւններուն»։

comments

Advertisement