By Asbarez | Saturday, 29 June 2019
ԵՐԵՒԱՆ, «Երկիր».- 28 Յունիսին, Արցախի Հանրապետութեան արտաքին գործոց նախարար Մասիս Մայիլեան ընդունեց Հայաստանի «Թրանսփերընսի Ինթըրնեշընըլ» փտածութեան դէմ պայքարող կեդրոնի պատուիրակութիւնը՝ գործադիր տնօրէն Սոնա Այվազեանի գլխաւորութեամբ։
Հանդիպումին ընթացքին անդրադարձ կատարուեցաւ կազմակերպութեան կողմէ Արցախի մէջ քաղաքացիական հասարակութեան հաստատութիւններու զարգացման եւ հասարակական կեանքին մէջ անոնց ներգրաւման աջակցելու կարելիութիւններուն։ Սոնա Այվազեան ներկայացուց այդ ուղղութեամբ կազմակերպութեան՝ Հայաստանի մէջ ծաւալած գործունէութիւնը:
Կողմերը քննարկեցին Արցախի իշխանութիւններուն եւ «Թրանսփերընսի Ինթըրնեշընըլ»ի միջեւ համագործակցութեան հեռանկարները՝ յառաջիկայ նախագահական եւ խորհրդարանական, ինչպէս նաեւ տեղական ինքնակառավարման մարմիններու ընտրութիւններու պարունակին մէջ: Այս առնչութեամբ Մասիս Մայիլեան ընդգծեց տեղական եւ միջազգային դիտորդներու մասնակցութեան կարեւորութիւնը ընտրութիւններուն՝ հանրապետութեան մէջ ընտրական գործընթացները միջազգային չափանիշներուն համապատասխանեցնելու առումով:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ