By Asbarez | Saturday, 13 July 2019
ՍՏԵՓԱՆԱԿԵՐՏ, «Ապառաժ».- 12 Յուլիսին, Արցախի Ազգային ժողովի «Դաշնակցութիւն» խմբակցութեան պատգամաւորները հանդիպում ունեցան Արցախի արդարադատութեան նախարար Արարատ Դանիէլեանի հետ՝ մանրամասնօրէն քննարկելու համար առաջին ընթերցումով ընդունուած Արցախի Ընտրական օրէնսգիրքին եւ կուսակցութիւններու մասին օրէնքի նախագիծերը, որպէսզի բանաւոր ներկայացնեն խմբակցութեան առաջարկները եւ միտքեր փոխանակեն շարք մը այլ հարցերու վերաբերեալ:
«Դաշնակցութիւն» խմբակցութեան պատգամաւորները Արարատ Դանիէլեանի հետ նաեւ միտքեր փոխանակեցին Ազգային ժողովի կազմը հաստատող եւ նախագահի պաշտօնին առաջադրուելու վերաբերող օրէնսդրական սահմանումներուն շուրջ:
Արցախի արդարադատութեան նախարար Արարատ Դանիէլեան, ներկայացուած առաջարկներուն պատասխանելով ըսաւ, որ կը կիսէ «Դաշնակցութիւն» խմբակցութեան պատգամաւորներուն մտահոգութիւնները՝ աւելցնելով, որ խմբակցութեան առաջարկներուն մէկ մասը պիտի ընդունուի, իսկ միւս մասին ընդունման համար պիտի կատարուի միջազգային փորձառութեան ուսումնասիրութիւն:
«Շատ ցաւալի է, որ խորհրդարանի միւս քաղաքական ուժերը մատների արանքով են նայում օրէնքի նախագծերին՝ հանդիպումներ չեն նախաձեռնում, առաջարկութիւններով հանդէս չեն գալիս», նշեց Դանիէլեան՝ մտահոգութիւն յայտնելով խորհրդարանին մէջ ներկայացուած այլ քաղաքական ուժերու կրաւորականութեան նկատմամբ։
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
