Ում Էր Ձեռնտու Հայկ Յարութիւնեանի Սպանութիւնը

By Asbarez | Tuesday, 24 September 2019

Հայկ Յարութիւնեան

Հայկ Յարութիւնեան

Նա Շատ Բան Կարող Էր Պատմել Քոչարեանի Մասին

ՍԱՐԳԻՍ ԱՐԾՐՈՒՆԻ

Այսօր յայտնաբերուել է 1999-2008 թուականներին Հայաստանի ոստիկանութեան պետի պաշտօնը զբաղեցրած Հայկ Յարութիւնեանի դին՝ գլխի շրջանում հրազէնային վնասուածքով: Ոստիկանութեան նախնական վարկածով՝ տեղի ունեցածը ինքնասպանութիւն է: Յարութիւնեանը Մարտի 1ի գործով անցնում էր վկայի կարգավիճակով:

Հարկ է յիշեցնել, թէ ինչպիսի ընթացք է ունեցել Հայկ Յարութիւնեանի կենսագրութիւնը: Նա ներքին գործերի նախարար է դարձել Հոկտեմբերի 27ի ոճրագործութիւնից յետոյ, երբ այդ պաշտօնում նշանակում անելու շուրջ անհամաձայնութիւններ ու վէճեր կային Ռոբերտ Քոչարեանի ու վարչապետ Արամ Սարգսեանի միջեւ: Ի վերջոյ, բազմաթիւ թեկնածուների շարքից Քոչարեանը համաձայնեց նշանակել Հայկ Յարութիւնեանին, ու նա, մեծ հաշուով, չէր սխալուել, որովհետեւ Յարութիւնեանը մարմնաւորում էր վերադասի հրամանները անվերապահ կատարող »սալդաֆոնի« (հրեշտակապետ մը-Խմբ.) կերպարը:

Հայկ Յարութիւնեանը ու նրա գլխաւորած ոստիկանութիւնը ռեպրեսիւ (զսպող, ճնշիչ-Խմբ.) գործիք դարձան 2000թ.ին, երբ Ռոբերտ Քոչարեանը դաժանօրէն ճնշեց գործարար Արկադի Վարդանեանի նախաձեռնած ընդդիմադիր շարժումը: Հայկ Յարութիւնեանի անմիջական պատասխանատուութեամբ 2003-04թթ. ոստիկանութիւնն իսկական մարդաորս էր կազմակերպել Ստեփան Դէմիրճեանի ու նրա աջակիցների հանրահաւաքների ժամանակ՝ շրջափակելով մարզերից Երեւան բերող բոլոր ճանապարհները: Հայկ Յարութիւնեանի ծառայամտութեան հերթական դրսեւորումներից մէկը դարձան 2004թ.ի Ապրիլի 12ի իրադարձութիւնները, որոնց նախորդեցին ու յաջորդեցին ընդդիմադիրների զանգուածային ձերբակալութիւնները:

Իհարկէ, Հայկ Յարութիւնեանը Ռոբերտ Քոչարեանի կողմից բարոյապէս ոչնչացուեց 2008ի դրամատիկ իրադարձութիւնների ժամանակ, քանի որ ոստիկանութիւնն էր դարձել այն հիմնական ռեպրեսիւ մահակը, որը Քոչարեանի կողմից օգտագործւում էր հազարաւոր ցուցարարների դէմ:

Հայկ Յարութիւնեանը բազմաթիւ մանրամասների էր տիրապետում Ռոբերտ Քոչարեանի արածների վերաբերեալ, որովհետեւ այն բացառիկ պաշտօնեաներից մէկն է, որը պաշտօնավարել է Քոչարեանի նախագահութեան գրեթէ ողջ ընթացքում՝ դառնալով վերջինիս անձնակենտրոն ու մարդակուլ իշխանութեան հաստատման անմիջական մասնակիցը:

Յարութիւնեանը յատկապէս կարեւոր ասելիք ունէր Մարտի 1ի գործում, ու դժուար չէ ենթադրել, թէ ում դէմ էր ուղղուած լինելու նրա խօսքը: Կոնկրետ (յստակ-Խմբ.) փաստեր չունենք, թէ ինչու կամ ինչ հանգամանքներում է տեղի ունեցել Հայկ Յարութիւնեանի սպանութիւնը կամ ինքնասպանութիւնը, սակայն ակնյայտ է, որ նրա լռութիւնը ձեռնտու է նախկին համակարգին, Ռոբերտ Քոչարեանին ու նրա շրջապատին: Հայկ Յարութիւնեանը շատ բան կարող էր պատմել, ու այդ պատմութիւնները միայն ամբողջացնելու էին Քոչարեանի յանցագործութիւնների շարքը:
Բացի այդ՝ նախկին համակարգի ձեռագիրն է երկրում անվստահութիւն սերմանելը, քաոս առաջացնելը՝ յեղափոխութեան իշխանութեան վարկանիշն ու հեղինակութիւնը սասանելու համար: Հայկ Յարութիւնեանի սպանութիւնը կամ ինքնասպանութիւնը կարծես թէ այդ շարքից է՝ նպատակ ունենալով յաւերժ լռեցնել Քոչարեանի արիւնոտ տասնամեակի կենդանի վկաներից մէկին…

«ԱՌԱՋԻՆ ԼՐԱՏՈՒԱԿԱՆ»

comments

More headlines

Նախագահ Սարգսեան Հանդիպում Ունեցաւ Իշխան Սաղաթելեանի եւ Արսէն Համբարձումեանի Հետ

Արցախի Հանրապետութիւնը Կայացած Ժողովրդավարական Պետութիւն Է․ Հայաստանի Նախագահին Յայտարարութիւնը

Հայաստանն Պաշտպանելու Է Արցախի Ժողովրդի Ինքնորոշման Իրաւունքն Առանց Որեւէ Սահմանափակման. Աննա Նաղտալեան

Արցախը Հայաստան Է Եւ Վերջ. Արայիկ Յարութիւնեան Ստանձնեց Արցախի Նախագահի Պաշտօնը

Հայաստանի Մէջ Քորոնայով Վարակուածներուն Թիւը Հասաւ 5041ի, Արցախի Մէջ 29ի

Հայաստանը Չի Բանակցելու Զէնքի Սպառնալիքի Ներքոյ. Փաշինեան Սահմանային Իրավիճակին Մասին

Թաւշեայ Յեղափոխութեան Մասին Ես Մենակ Չեմ Ժապաւէնը Միջազգային Փառատօնի Մրցանակակիր

Ադրբեջանում Կայանալիք Զօրավարժութիւնը Տեղի Է Ունենում Առանց Նախնական Ծանուցման․ Պաշտպանութեան Նախարարութիւն

Քոչարեան Կը Մնայ Բանտարկուած․ Դատարանը Մերժեց Պաշտպաններու Միջնորդութիւնները

ԼՂ Հակամարտութեան Հանգուցալուծումը Հիմնուած Է Փոխզիջման Սկզբունքի Վրայ. Նախարար Մնացականեան

Advertisement