Երեւան Հաստատեց Արաքսի Աղտոտելուն Վերաբերող Իրանի Մտահոգութիւնը. Կը Ձեռնարկուին Աշխատանքներ

By Asbarez | Thursday, 28 November 2019

1128Arax

ԵՐԵՒԱՆ, «Սիվիլնէթ».- Նախորդ շաբաթ հայ-իրանական աշխատանքային խումբը Թաւրիզի մէջ քննարկեց հայկական կողմէ Արաքս գետի աղտոտման խնդիրը:

Արշալոյս Մղդեսեան կը գրէ, թէ Հայաստանի շրջակայ միջավայրի նախարարութիւնը «Սիվիլնէթ»ին հաղորդեց, որ 19-22 Նոյեմբերին Թաւրիզի մէջ կայացած է Արաքս գետի աղտոտածութեան ուսումնասիրութեան հայ-իրանական աշխատանքային խումբի 24րդ նիստը:

Հայկական ձեռնարկութիւններուն կողմէ Արաքս գետի աղտոտելուն մասին գրած էր իրանական անգլիալեզու «Տը Թեհրան Թայմզ» թերթը՝ նշելով, որ Թաւրիզի մէջ նիստին ժամանակ քննարկուած է դէպի Արաքս գետ Հայաստանի տարածքէն ծանր մետաղներով լի ջուրերու արտահոսքի խնդիրը:

Շրջակայ միջավայրի նախարարութիւնը հաստատեց, որ Արաքս գետի աղտոտիլը իսկապէս տեղի կ՛ունենայ հայկական կողմէ: Նախարարութեան պատասխանին մէջ կը նշուի, որ 2005էն ի վեր իրանական կողմը լուսարձակի տակ կ՛առնէ Ագարակի պղնձամոլիպտենային ընկերութեան կեղտաջուրերու արտահոսքի խնդիրը:

«Սիվիլնէթ»ը հետաքրքրուած էր, թէ արդեօք խնդիրը աւելի՛ շեշտուած է նաեւ վերջերս Զանգեզուրի պղնձամոլիպտենային գործարանի Արծուանիկի պոչամբարի խողովակաշարի վթարին իբրեւ հետեւանք դէպի Ողջի գետ տեղի ունեցած արտահոսքին պատճառով (Ողջին Արաքսի վտակ է): Նախարարութիւնը այս հարցումին յստակ պատասխան չէ տուած:

Նախարարութեան պատասխանէն յստակ կը դառնայ, որ Արաքս գետի ջուրի որակը Իրանի հետ համատեղ վերահսկելու հարցը տասնամեակներու պատմութիւն ունի: 2005ին ստեղծուած է եւ առ այսօր կը գործէ հայ եւ իրանական փորձագէտներու աշխատանքային խումբ՝ Արաքս գետի ջուրի որակի հսկողութեան ու պահպանման համար:

«Արաքս գետի հայ-իրանական համատեղ մոնիթորինգային (դիտարկման-Խմբ.) աշխատանքների շրջանակում դիտարկումներ կատարւում են Արաքս գետի ութ (Հայաստանում եւ Իրանում չորսական նմուշառման կէտեր), Մեղրիգետ եւ Կարճեւան գետերի մէկական նմուշառման կէտերում: Ուսումնասիրութիւնները կատարւում են պարբերաբար երկու տարբերակով՝ Իրանի հետ համատեղ նմուշառում (միաժամանակ ե՛ւ հայկական, ե՛ւ իրանեան ափերից) ու միաժամանակ (իւրաքանչիւր կողմը իր ափից միեւնոյն օրը)», նշուած է նախարարութեան պատասխանին մէջ:

Շրջակայ միջավայրի նախարարութիւնը տեղեկացուցած է նաեւ, որ Ագարակի պղնձամոլիպտենային գործարանի երեք պոչամբարներէն երկուքին մէջ արդէն իսկ տեղադրուած է կեղտաջուրերու փակ շրջանառու համակարգ: Երրորդ պոչամբարին մէջ, ըստ նախարարութեան, աշխատանքները կը շարունակուին, եւ զայն օգտագործել սկսելէն ետք կարելի պիտի ըլլայ նուազագոյնի հասցնել Արաքս գետի աղտոտուածութիւնը:

Ըստ նախարարութեան՝ պոչամբարի վերակառուցման աշխատանքները պիտի աւարտին 2021ի երկրորդ կիսուն։

comments

More headlines

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ

Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին

Advertisement