Աղուան Վարդանեան Պիտի Համակարգէ Ռոպերթ Քոչարեանի Ազատութեան Յանձնախումբի Աշխատանքը

By Asbarez | Thursday, 19 December 2019

0311aghvanvartanian

ԵՐԵՒԱՆ, «Փանորամա».- Ազգային ժողովի նախկին պատգամաւոր, նախկին դաշնակցական, քաղաքական գործիչ Աղուան Վարդանեան 18 Դեկտեմբերին լրագրողներու հետ ունեցած իր զրոյցին ընթացքին յայտարարեց, որ Հայաստանի նախկին նախագահ Ռոպերթ Քոչարեանի ազատութեան յանձնախումբ պիտի կազմուի, իսկ համակարգողը պիտի ըլլայ ինք։

Ան յիշեցուց, որ որոշ ժամանակ առաջ հասարակական-քաղաքական, մշակոյթի եւ մարմնակրթական քանի մը տասնեակ գործիչներ հանդէս եկած են յայտարարութեամբ՝ ի պաշտպանութիւն Ռ. Քոչարեանի՝ կոչ ուղղելով իշխանութեան վեր բարձրանալ անձնական շահերէ, ընդունիլ սեփական նախապաշարումներու անճշտութիւնը Մարտ 1ի գործով, վերջ տալ դատական համակարգին նկատմամբ ճնշումներուն՝ յոյս յայտնելով, որ Ռ. Քոչարեանի ազատութիւնը հասարակութեան համերաշխութեան ազդակ կը դառնայ:

Ըստ Վարդանեանի՝ վերջին երկու ամիսներուն Հայաստանի եւ Արցախի մէջ, նաեւ համացանցին վրայ կատարուած է ստորագրահաւաքի նախաձեռնութիւն մը, որուն տակ ստորագրած են 60 հազար անձեր, սակայն իշխանութեան դիրքորոշումին մէջ փոփոխութիւն չէ արձանագրուած, ուստի իրենք դիմած են այս նախաձեռնութեան. «Մեր խնդիրն է, մարդկանց մտածել տալ այս հարցերի մասին: Եւ մարդը մտածում է, նաեւ դիրքորոշում է ունենում: Պէտք է մտածող մարդկանց ուղղորդել, որ դիրքորոշում, քաղաքացիական կեցուածք ունենան»։

Ան դիտել տուաւ, որ Քոչարեան Հայաստանի եւ Արցախի մէջ աշխատած է բազմաթիւ անձերու հետ, որոնք ականատես եղած են Քոչարեանի արժանապատիւ արտաքին քաղաքականութեան եւ այդ ոլորտին մէջ ձեռքբերումներուն, Արցախի հարցին մէջ յստակ ազգային-պետական դիրքորոշման: Վարդանեան տեղեկացուց, որ իրենք պիտի աշխատին նաեւ իրաւապաշտպաններու եւ երիտասարդներու հետ:

comments

More headlines

Արցախի Մէջ Քորոնա Ժահրովով Վարակուածներուն Թիւը Բարձրացաւ 11ով

Հայաստանի Մէջ Կան Քորոնա Ժահրի Վարակման 308 Նոր Պաւահաներ Եւ 4 Նոր Մահեր

Դաւիթ Տօնոյեան Հանդիպումներ Ունեցաւ Հայաստանի Մօտ Իրանի Եւ Ֆրանսայի Դեսպաններուն Հետ Անդրադառնալով Սահմանային Վիճակին

Ադրբեջանը Յարձակուել Էր Այն Ուղղութեամբ, Որտեղ Շատ Հայկական Գիւղեր Կան. Փաշինեան

Հայաստանի Մէջ Քորոնա Ժահրի 239 Նոր Պարագաներ Եւ 8 Նոր Մահեր

Ատրպէյճան-Թուրքիա Ռազմափորձեր Ատրպէյճանի Մէջ

Մինսկի Խմբակի Համանախագահները Կոչ Կուղղեն Զերծ Մնալու Կարեւոր Նշանակութիւն Ունեցող Ենթակառոյցներուն Սպառնալէ

ՀՅԴ-ի Եւ Նրա Համակիրների Համար Հայոց Բանակը Եւ Հայկական Պետականութիւնը Բացարձակ Արժէք Են. Յակոբ ՏԷր Խաչատուրեան

Կորոնավիրուսի Դէմ Պայքարի Արդիւնքում Շատ Փոքր Դրական Շարժ Ունենք. Փաշինեան

Բաքուի Ցոյցերի Նպատակը Միջազգային Հանրութեանը Ցոյց Տալն Է, Որ Ժողովուրդն Է Ցանկացել Պատերազմել

Advertisement