Դաշնակցութեան Կառոյցները Կը Ծառայեն Արցախին  

By Asbarez | Tuesday, 28 January 2020

0128Shekher

ՍՏԵՓԱՆԱԿԵՐՏ, «Ապառաժ».- 24 Յունուարին, ՀՅԴ Արցախի Կեդրոնական կոմիտէի ներկայացուցիչ, Արցախի Հանրապետութեան Ազգային ժողովի «Դաշնակցութիւն» խմբակցութեան պատգամաւոր Դաւիթ Իշխանեան եւ պատգամաւոր Ալեոշա Գաբրիէլեան հանդիպում ունեցան Մարտունիի շրջանի Շեխէր համայնքի բնակիչներուն հետ:

Անոնք անդրադարձան վերջին 5 տարիներուն Ազգային ժողովի եւ «Դաշնակցութիւն» խմբակցութեան կողմէ իրագործուած ծրագիրներուն, երկրի տնտեսական զարգացման, գիւղատնտեսութեան եւ անվտանգութեան հարցերուն:

Դաւիթ Իշխանեան իր խօսքին մէջ նշեց, որ Արցախի Ազգային ժողովին մէջ ընդունուած օրէնքներէն «Դաշնակցութիւն» խմ-բակցութիւնը դէմ քուէարկած է ռազմավարական նշանակութեան, մասնաւորապէս՝ «Հողային օրէնսգրքում լրացումներ եւ փոփոխութիւններ կատարելու մասին», «Ընդերքի մասին ԼՂՀ օրէնսգրքում փոփոխութիւն կատարելու մասին», Արցախի նոր  սահմանադրութեան մէջ փոփոխութիւններ կատարելու վերաբերող օրէնքներուն:

Անդրադառնալով Արցախի նոր սահմանադրութեան մէջ փոփոխութիւններուն վերաբերող օրէնքներուն՝ Դաւիթ Իշխանեան նշեց, որ երկու հայկական հանրապետութիւններուն մէջ պէտք է գործէ կառավարման համանման համակարգ, որուն վերաբերեալ ՀՅ Դաշնակցութեան Արցախի կառոյցը եւ «Դաշնակցութիւն» խմբակցութիւնը աշխատանքներ կը տանին:

Անդրադառնալով արտաքին ճակատի վրայ կատարուած աշխատանքներուն՝ պատգամաւորները նշեցին, որ «Դաշնակցութիւն» խմբակցութեան սերտ համագործակցութեան շնորհիւ ընդլայնուած է Արցախի բարեկամներու շրջանակը եւ կանխուած Եւրոպական զանազան կառոյցներու մէջ Ատրպէյճանի կողմէ նախաձեռնուած հակաարցախեան շարք մը բանաձեւերու ընդունումը:

«Մենք աշխատում ենք տարբեր երկրների իշխանութիւնների եւ քաղաքական ուժերի հետ երկու ճակատով՝ միջազգային ճանաչման գործընթացը հնարաւորինս ակտիւացնելով (աշխուժացնելով-Խմբ.) եւ խաղաղութիւն պահպանելով: ՀՅ Դաշնակցութեան կառոյցները ծառայում են Արցախին», նշեց Դաւիթ Իշխանեան:

Հանդիպման մասնակցողները անդրադարձան շարք մը հարցերու՝ ազատամարտիկներուն թոշակ տրամադրելու, գիւղացիներուն աջակցութիւններ ցուցաբերելու, գիւղական բնակավայրերուն մէջ արուեստի կեդրոններ հիմնելու վերաբերող:

Պատգամաւորները խոստացան այդ հարցերը ներկայացնել Ազգային ժողովի քննարկման եւ կարելիութեան սահմաններուն մէջ լուծումներ տալ:

comments

More headlines

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ

Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին

Advertisement