By Asbarez | Monday, 30 March 2020
ԵՐԵՒԱՆ, «Սիվիլնեթ».- 30 Մարտին, կառավարութիւնը նոր որոշումներ տուաւ՝ «Քորոնա» ժահրին տնտեսական հետեւանքները մեղմացնելու նպատակով:
Ծրագիրներէն մէկէն օգտուողները յղի կիներն են, որոնք 30 Մարտ 2020ի դրութեամբ՝ աշխատանք չունին, իսկ ամուսինները արձակուած են աշխատանքէ 13՝ն 30 Մարտ ժամանակաշրջանին` չանցնելով այլ աշխատանքի: Օգնութիւնը ընտանիքին պիտի տրամադրուի միանուագ եւ 100 հազար դրամի չափով:
Կառավարութիւնը այլ ծրագիրով մը պիտի աջակցի այն քաղաքացիներուն, որոնք աշխատանքէ արձակուած են 13էն 30 Մարտի միւեւ։ Անոնց կը տրամադրուի օգնութիւն նուազագոյն աշխատավարձի չափով: Քաղաքացիները, որոնց 2 ամիսներու միջին ամսական աշխատավարձի չափը գերազանցած է 500 հազար դրամը, չեն կրնար օգտուիլ այս ծրագիրէն: Չեն օգտուիր նաեւ այն անձերը, որոնք այլ գործատուի հետ աշխատանքային յարաբերութիւններու մէջ եղած են:
Կառավարութեան աջակցութիւն պիտի ցուցաբերէ նաեւ «Քորոնա» ժահրի հետեւանքով տուժած ոլորտներուն` պանդոկներ, հանրային ուտելիքի, զբօսաշրջութեան ծառայութիւններ, վարսայարդարներ, մանրածախ առեւտուրի ոլորտին մէջ տնտեսվարողներ: Անիկա կը տրամադրուի վարձու աշխատողին 2020ի Յունուար եւ Փետրուար ամիսներուն համար հաշուարկուած միջին ամսական աշխատավարձի 50 տոկոսի չափով, անհատ ձեռնարկատիրոջ` 2019ի 4րդ եռամսեակի իրացման շրջանառութեան 10 տոկոսի չափով: Վարչապետի օգնական Նայիրի Սարգսեան ըսաւ, որ այս ծրարին պիւտճէն կը գերազանցէ 10 միլիառ դրամը` 100 հազար օգտուողներու հաշիւով:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ