By Asbarez | Wednesday, 03 June 2020
ԵՐԵՒԱՆ, «Արմէնփրէս».- Մէկ օրուան ընթացքին, 2 Յունիսի առաւօտեան դրութեամբ՝ Հայաստանի մէջ «Քորոնա» ժահրին պատճառով մահացած են 19 անձեր եւ արձանագրուած են 517 նոր պարագաներ: Ապաքինած են 25 անձեր, իսկ բացասական քննութիւններու թիւը հասաւ 732ի:
Հաստատուած պարագաներու ընդհանուր թիւը 10,009 է, ապաքինածներունը՝ 3427: Ապաքինման ընթացքին մէջ եղող վարակուածներուն թիւը 6368 է, իսկ կատարուած քննութիւններու ընդհանուր թիւը՝ 59,917: Մինչեւ 2 Յունիս 2020, Հայաստանի մէջ «Քորոնա» ժահրով մահացածներուն թիւը 158 է:
Հիւանդութիւններու վերահսկման եւ կանխարգիլման ազգային կեդրոնի գլխաւոր տնօրէն Արտաւազդ Վանեան զրոյցի մը ընթացքին ըսաւ, թէ Մայիս ամսուան ընթացքին Հայաստանի մէջ «Քորոնա» ժահրով վարակուածներուն թիւը՝ Մարտ ամսուան ընթացքին արձանագրուած թիւին հետ բաղդատած՝ աւելցած է 13 անգամով:
Միւս կողմէ, Արցախի մէջ հաստատուած են «Քորոնա» ժահրով վարակուածներու ընդհանուր 46 պարագաներ, որոնցմէ 26ը բուժուած են:
Այս մասին կը տեղեկացնեն Արցախի Հանրապետութեան առողջապահութեան նախարարութենէն:
Արցախի մէջ ընդհանուր քննութեան ենթարկուած են 926 անձեր, կան 100 մեկուսացուած անձեր, եւ «Քորոնա» ժահրով վարակուածներու 3 նոր պարագաներ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ