ԳԻՒՄՐԻ, «7 օր».- Ամանորեան տօներէն ետք հայկական արտադրութեան ծխախոտ նախընտրողները անակնկալի եկան, երբ Հայաստանի մէջ արտադրուող բազմաթիւ ծխախոտի տեսակներու սակը Գիւմրիի մէջ բարձրացաւ 20-50 դրամով։ Պր-պտումներէն ի յայտ ելաւ, որ տօնական օրերէն ետք խանութներուն հայկական ծխախոտ մատակարարողները ապրանքը աւելի բարձր սակով յանձնած են. «Մօտ 7-8 տեսակի ծխախոտ թանկացել է միջինը 35 դրամով: Օրինակ «Ախթամար» տեսակի ծխախոտի գինը բարձրացել է 50 դրամով, հիմա վաճառում ենք 400 դրամի: Մատակարարները թանկացման պատճառը նկատեցին ծխախոտի հարկի բարձրացումը», ըսաւ վաճառողուհին:
Ան նաեւ աւելցուց, թէ սղած են նաեւ որոշ տեսակի ոգելից ըմպելիները՝ աւելցնելով, որ հաւանական է, որ հետագային այլ տեսակներ եւս սղին։
Ծխախոտ գնողներէն մէկը յայտնեց, որ նման քայլերով կառավարութիւնը ոչ թէ կը պայքարի ծխելու դէմ, այլ կը թալանէ քաղաքացիները։
