Ատրպէյճանի Երկու Կատաղի Գրոհներ Կասեցուեցան

By Asbarez | Saturday, 17 October 2020


ԵՐԵՒԱՆ, «Արմէնփրէս».- Արցախի եւ Ատրպէյճանի հակամարտ զօրքերու շփման գիծին վրայ, երեկոյեան եւս կը շարունակուին դժուար եւ ծանր մարտերը, յատկապէս` հարաւային ուղղութեամբ: 16 Հոկտեմբերին տուած մամլոյ ասուլիսին ընթացքին այս մասին յայտնեց պաշտպանութեան նախարարութեան ներկայացուցիչ Արծրուն Յովհաննիսեան:

Ան տեղեկացուց, որ նոյն օրը վաղ առաւօտեան, Ատրպէյճանի զինուած ուժերը թէ՛ հիւսիսի, թէ՛ հարաւի մէջ երկար հրետակոծումէ ետք, որուն ընթացքին կիրարկուեցան նաեւ այլ օդային յարձակման միջոցներ` անօդաչու թռչող սարքեր, հրթիռներ, օդուժ, անցան լայնածաւալ յարձակման: «Առնուազն երկու կատաղի գրոհներից յետոյ հիւսիսային ուղղութեամբ մեր զինուած ուժերին յաջողուել է հետ շպրտել Ադրբեջանի ԶՈՒ ներկայացուցիչներին, ահաբեկիչներին եւ այլ խմբաւորումներին, որոնց չի յաջողուել գրաւել ոչ մի բարձունք, ոչ մի դիրք: Հարաւային ուղղութեամբ ամբողջ օրը շարունակուել են ծանր մարտերը, որոշ ուղղութիւններով մեր զօրքերը կատարել են վերախմբաւորումներ», ըսաւ Յովհաննիսեան:

Պաշտպանութեան նախարարութեան ներկայացուցիչը նշեց, որ օրուան ընթացքին ատրպէյճանական օդուժը կատարած է նաեւ որոշ թռիչքներ, իսկ հայկական կողմը կրցած է չէզոքացնել կարգ մը թռչող սարքեր։

15էն 16 Հոկտեմբեր լուսցող գիշերը, յատկապէս լուսադէմին, թշնամին հրետանիի գործածութեամբ սաստիկ կրակ բացած է Մարտունի քաղաքի եւ Կարմիր Շուկայ բնակավայրին ուղղութեամբ, իսկ առաւօտեան` Բերդաշէն համայնքին ուղղութեամբ: Ռմբակոծուեցան Հադրութի շրջանի Տող, Քաշաթաղի շրջանի Տիգրանաւան, Այգեհովիտ եւ Աղաւնոյ բնակավայրերը, իսկ աւելի ուշ՝ Ստեփանակերտը։

comments

More headlines

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ

Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին

Advertisement