Արթնացիր, Ժողովուրդ, Համարձակուիր Երկրի Ապագան Վերցնել Քո Ձեռքը. Վազգէն Մանուկեան  

By Asbarez | Thursday, 11 February 2021

0129Vazken

ԵՐԵՒԱՆ.- «Հայրենիքի փրկութեան շարժում»ի միասնական թեկնածու Վազգէն Մանուկեան դիմեց ժողովուրդին՝ հետեւեալ կոչով.

«Քեզ հիպնոսացրել են, արթնացի՛ր:

«Իշխանութիւնները կայացրել են որոշում, որ այսուհետ Սիւնիքի որոշ հատուածներում տարբեր թեմաներ լուսաբանելու նպատակով անհրաժեշտ է ունենալ Հայաստանի ազգային անվտանգութեան մարմինների համաձայնութիւնը:

«Երէկ նաեւ յայտնի դարձաւ, որ կայ գաղտնի փաստաթուղթ, ըստ որի՝ ի վնաս Հայաստանի որոշւում են Սիւնիքի սահմաններն ու նրանով անցնող կոմունիկացիաները (հաղորդակցութիւնները-Խմբ.): Ի՞նչ այլ գաղտնի եւ անօրինական փաստաթղթեր կան ստորագրուած, դեռեւս պարզ չէ:

Կ՛անցնի ժամանակ, եւ ինչպէս 2020թ. Նոյեմբերի 9ի գիշերը, մի օր կ՛արթնանանք ու կը պարզենք, որ այլեւս չունենք Սիւնիք:

«Յիշէք` պատերազմից յետոյ՝ Հոկտեմբերի 8ին, կառավարութիւնն ընդունեց որոշում, որով արգելեց իրականութիւնն ասելու իրաւունքը:

«Արդիւնքում 44 օր մեզ խաբեցին, իսկ ճշմարտութիւնն ասողներին սկսեցին հետապնդել ու քարկոծել: 2020թ. Նոյեմբերի 9ի գիշերը պարզուեց, որ մեր թիկունքում ստորագրուել է կապիտուլեացիոն (անձնատուութեան-Խմբ.) փաստաթուղթ: Դա սարսափելի հարուած էր մեր ժողովրդի համար, որին 44 օր խաբում էին, թէ յաղթում ենք:

«Այժմ մենք չունենք մեր հայրենիքի մի զգալի մասը, ունենք 5000ից աւելի զոհ, 10 հազարից աւելի վիրաւոր, հարիւրաւոր գերիներ, անհետ կորածներ: Չունենք նաեւ բանակ, իսկ այն, ինչ մնացել է բանակից, ամէն օր ապացուցում է, որ գոյութիւն չունի:

«Հայաստանն ամէն օր փոքրանում է, մեր տարածքները տնօրինում են օտարները: Իրավիճակը փոխելու ճանապարհին մենք համոզուեցինք, որ չունենք ոստիկանութիւն, քանի որ այն, ծառայելով այսօրուայ իշխանութեանը, ծառայում է Ադրբեջանի եւ Թուրքիայի շահերին:

«Այն ամէնն, ինչ մեր նախնիները հսկայական ջանքերի եւ զոհերի գնով ժառանգել են մեզ, կորցրեցինք եւ շարունակում ենք կորցնել՝ բութ անտարբերութեամբ տարուած մեր կեանքի մանրուքներով ու բամբասանքներով:

«Սիրելի՛ ժողովուրդ, քեզ հիպնոսացրել են:

«Ապագայ սերունդներն անիծելու են մեզ: Մենք թողնելու ենք ժողովրդի մի ստրկացած հատուած այս տարածքում, որը դեռ կոչւում է Հայաստան, իսկ մնացածը ցրուելու են աշխարհով մէկ՝ դառնալով պանդուխտ:

«Արթնացի՛ր, ժողովուրդ, համարձակուի՛ր երկրի ապագան վերցնել քո ձեռքը, հակառակ դէպքում այն կը վերցնեն Թուրքիան ու Ադրբեջանը՝ այս իշխանութիւնների ձեռքով:

«Մի՛ սպասէք քաղաքական կուսակցութիւնների քայլերին: Բոլոր ազգային քաղաքական ուժերը ձեր կողքին են, բայց դո՛ւք էք որոշում երկրի ապագան:

«Կո՛չ եմ անում վաղը՝ Փետրուարի 12ին, ժամը 15:00ին (կէսօրէն ետք ժամը 3ին-Խմբ.), հաւաքուել Ազատութեան հրապարակում եւ որոշել մեր անելիքը: Մեր աչքի առաջ մենք կորցնում ենք մեր հայրենիքը»։

comments

More headlines

Յայտարարութիւն

«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը

Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը

Երեւան-Պաքու Լարուածութիւնը Մագլցում Կ՛արձանագրէ

Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին

Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը

Ըստ Հայաստանի Արտաքին Գործոց Նախարարութեան. Ազրպէյճանը Անթաքոյց Կերպով Կը Ծրագրէ Հաւաքական Պատիժի Ենթարկել Լեռնային Ղարաբաղի Ամբողջ Ժողովուրդը

Արցախի Նախագահը Անվտանգութեան Խորհուրդի Նիստի Հրաւիրեց. Քննարկուեցան Առեւանգուած Քաղաքացիները Վերադարձնելու Քայլերը

Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ

Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին

Advertisement