By Asbarez | Saturday, 07 August 2021
ԵՐԵՒԱՆ, «Արմէնփրէս»․- Միացեալ Նահանգներու նախագահ Ճօ Պայտըն շնորհաւորեց Հայաստանի Հանրապետութեան վարչապետ Նիկոլ Փաշինեանը՝ խորհրդարանական ընտրութիւններուն տարած յաղթանակին եւ նոր կառավարութեան կազմութեան առթիւ:
Փաշինեանին ուղղուած շնորհաւորական ուղերձին մէջ, Պայտըն կը գրէ, որ արդար եւ թափանցիկ ընտրութիւններու իրականացումը կ՛ընդգծէ հայ ժողովուրդի փափաքը՝ ունենալու աւելի ժողովրդավար, արդար եւ բարգաւաճ հասարակութիւն մը, որ զերծ է զեղծարարութիւններէ:
«Վերջին երեք տարիներուն Հայաստան յառաջընթացք արձանագրեց այս ոլորտներուն մէջ: Միացեալ Նահանգները ուրախ է օգնելու այս ջանքերուն», կը նշէ Պայտըն:
Ան կ՛անդրադառնայ նաեւ «ապահովական դժուար մարտահրաւէրներուն, որոնք ի յայտ եկան 2020ին, Լեռնային Ղարաբաղի հակամարտութեան պատճառով»՝ աւելցնելով․ «Միացեալ Նահանգները յանձնառու է աջակցելու կողմերուն՝ բանակցելու համապարփակ, խաղաղ կարգաւորման շուրջ` ԵԱՀԿի Մինսքի խումբի հովանիին տակ: Ամերիկա ուրախ էր աջակցելու Ատրպէյճանէն հայ ռազմագերիները ազատ արձակելու ջանքերուն, եւ մենք կը շարունակենք կոչ ընել՝ ապահով կերպով վերադարձնելու բոլոր գերիները»:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ