Ռուսիոյ Կառավարական Կայքը Օգտագործած Է Լեռնային Ղարաբաղի Հանրապետութիւն Եզրը

By Asbarez | Thursday, 09 September 2021

ԵՐԵՒԱՆ, «Արմէնփրէս».- Ռուսիոյ կառավարութեան միասնական տեղեկատուական համակարգի կայքին վրայ օգտագործուած է Լեռնային Ղարաբաղի Հանրապետութիւն եզրը։ Կայքին գնումներ բաժինին մէջ հրապարակուած է Ռուսիոյ պաշտպանութեան նախարարութեան դիմումը՝ Լեռնային Ղարաբաղի մէջ տեղակայուած զինուորական աւաններու զօրանոցային-բնակարանային ֆոնտի կազմակերպման եւ համալիր սպասարկման ծառայութիւններու մատուցման համար։

Դիմումը վերնագրուած է հետեւեալ ձեւով. «Լեռնային Ղարաբաղի Հանրապետութեան տարածքին մէջ տեղակայուած զինուորական աւաններու զօրանոցային-բնակարանային ֆոնտի կազմակերպման, համալիր սպասարկման ծառայութիւններու մատուցման համար»։

Կայքին վրայ դիմումը հրապարակուած է 13 Օգոստոս 2021ին։ Վերջնաժամկէտն է՝ 16 Սեպտեմբեր 2021։

comments

Advertisement