By Asbarez | Thursday, 09 September 2021
Հայաստանի ֆութպոլի ազգային հաւաքականը 2 Սեպտեմբերի երեկոյեան, 2022ի աշխարհի ախոյեանութեան զտումի մրցաշարքի ծիրին մէջ կատարեց իր չորրորդ մրցումը, երբ Ժ. խմբակին մէջ հիւրը եղաւ Հիւսիսային Մակեդոնիոյ:
Սպանացի Խոաքին Քափարոսի գլխաւորած կազմը` Հայաստան, իր այս մրցումին սկսաւ իր տրամադրութեան տակ ունենալով 9 կէտ` նախորդ երեք մրցումներուն, իր արձանագրած երեք յաղթանակներուն շնորհիւ:
Սքոփյէի մէջ տեղի ունեցած մրցումը աւարտեցաւ 0-0 արդիւնքով։ Սակայն, հակառակ իր արձանագրած այս հաւասարութեան, Հայաստան մնաց պարագլուխի դիրքին վրայ (10 կէտով), կէտի մը առաւելութիւնը ունենալով Գերմանիոյ վրայ, որ յաղթեց Լիխթնշթայնին, 2-0 արդիւնքով:
Միւս կողմէ, Եւրոպայի ֆութպոլի` «Եւրօ-2023»ի 21 տարեկանէն վար հաւաքականներու ախոյեանութեան զտումի մրցաշարքի ծիրին մէջ, Հայաստանի երիտասարդական հաւաքականը, որ հիւրընկալեց Ֆարօ կղզիները, արձանագրեց 2-0 արդիւնքով յաղթանակ մը: Կօլերը նշանակեցին Նարեկ Գրիգորեան եւ Միքայէլ Միրզոյեան, որ նաեւ կատարեց առաջին կօլին փոխանցումը:
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին