By Asbarez | Friday, 01 October 2021
ԵՐԵՒԱՆ, «Երկիր Մեդիա».- Զէնք-զինամթերքի մատակարարման գործով, առանձնապէս մեծ չափերու յափշտակութիւն կատարելու կասկածով ձերբակալուեցան պաշտպանութեան նախկին նախարար Դաւիթ Տօնոյեան եւ անոր ընկերը՝ մատակարար կազմակերպութեան տնօրէն Դաւիթ Գալստեան։
Արաւել քան 2 միլիառ դրամ յափշտակելու եւ կեղծիքներ ու հանրօրէն վտանգաւոր արարքներ կատարելու յանցանքով անոնք ներգրաւուած են՝ իբրեւ մեղադրեալներ: Ազգային անվտանգութեան ծառայութիւնը (ԱԱԾ) միջնորդեց դատարանին մօտ՝ զանոնք բանտարկելու համար:
Դաւիթ Տօնոյեանի եւ Դաւիթ Գալստեանի գործով աւելի կանուխ՝ 25 Սեպտեմբերին, մեղադրանք առաջադրուեցաւ նաեւ զինուած ուժերու օդուժի նախկին պետ-վարչութեան պետ Աւետիք Մուրադեանի նկատմամբ՝ թեքնիք բնութագրումներուն չհամապատասխանող, երկարատեւ պահպանման համար ոչ-պիտանի, շուկայական արժէքէն էականօրէն բարձր գինով հրթիռներ ձեռք բերելուն համար:
Այս գործի ծիրին մէջ, ԱԱԾն խուզարկեց նաեւ զինուած ուժերու Ընդհանուր փոխհրամանատար Ստեփան Գալստեանի բնակարանը: Ամիսներ առաջ ալ հարցաքննուած էր պաշտպանութեան նախկին նախարար Սէյրան Օհանեան, որուն կողմ սլաքներ ուղղելու փորձ կը կատարէ իշխանական պատգամաւոր Անդրանիկ Քոչարեան: Ըստ անոր՝ չարաշահումները տեղի ունեցած են 2011ին, երբ Սէյրան Օհանեան պաշտպանութեան նախարար էր:
Նշենք, որ կողմերը իրենց ուղղուած մեղադրանքը չեն ընդունիր։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ