By Aztag Daily | Wednesday, 12 July 2023
Հարաւային Կովկասի եւ Վրաստանի ճգնաժամի հարցերով Եւրոպական Միութեան յատուկ ներկայացուցիչ Թոյվօ Քլաար, արձագանգելով Արցախի կազամատակարարման` կարճ ժամանակով վերականգնման առնչուած կացութեան, «Թուիթըր»-ի իր էջին վրայ գրած է. «Խոստումնալի սկսած օրը կրկին աւարտեցաւ հիասթափութեամբ եւ յուսախաբութեամբ: Ինչպէս Եւրոպական Միութիւնը բազմիցս կրկնած է, շատ կարեւոր է, որ ուժանիւթի մատակարարումը վերականգնուի առանց սահմանափակումներու, ինչպէս նաեւ Լաչինի միջանցքով մարդոց եւ ապրանքներու տեղաշարժը»:
Շաբաթ երեկոյեան վերականգնուած էր Արցախ կազի մատակարարումը, սակայն կիրակի կէսօրին ազրպէյճանական կողմը դարձեալ մատակարարումը լրիւ դադրեցուցած էր:
Եւրոպական Միութեան յատուկ ներկայացուցիչը կիրակի օր եւս «Թուիթըր»-ի վրայ գրառում կատարած էր` նշելով. «Պաքու-Ստեփանակերտ իրական երկխօսութիւն պէտք է սկսի` նպատակ ունենալով ապահովել այլընտրանքներ բռնութեան, ձեւաւորել այնչափ անհրաժեշտ վստահութիւն եւ երաշխաւորել արժանապատուութիւնը: Եւրոպական Միութիւնը անհամբեր կը սպասէ Հայաստանի եւ Ազրպէյճանի ղեկավարներուն հետ պրիւքսելեան եռակողմ հանդիպումին»:
Պրիւքսելի մէջ Հայաստանի Հանրապետութեան վարչապետին եւ Ազրպէյճանի նախագահին` Եւրոպական խորհուրդի նախագահին մասնակցութեամբ հանդիպումը նախատեսուած է 21 յուլիսին:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
