By Aztag Daily | Wednesday, 26 July 2023
25 յուլիսին Մոսկուայի մէջ տեղի պիտի ունենան եռակողմ եւ առանձին երկկողմ բանակցութիւններ Ռուսիոյ, Հայաստանի եւ Ազրպէյճանի արտաքին գործոց նախարարներ Սերկէյ Լաւրովի, Արարատ Միրզոյեանի եւ Ճէյհուն Պայրամովի միջեւ:
Ռուսիոյ արտաքին գործոց նախարարութեան կայքը կը յայտնէ, որ արտաքին գործոց նախարարները պիտի վերլուծեն Լեռնային Ղարաբաղի շուրջ կացութեան լարուածութեան մեղմացման եւ Ռուսիոյ, Ազրպէյճանի եւ Հայաստանի ղեկավարներուն միջեւ 9 նոյեմբեր 2020-ին, 11 յունուար եւ 26 նոյեմբեր 2021-ին եւ 31 հոկտեմբեր 2022-ին ձեռք բերուած եռակողմ համաձայնութիւններու կատարման գործնականացման ուղիները:
Առանձնայատուկ ուշադրութիւն պիտի դարձուի Պաքուի եւ Երեւանի միջեւ խաղաղութեան պայմանագիրի նախապատրաստման, ինչպէս նաեւ չլուծուած հարցերու լուծումներու որոնման, ինչին Ռուսիան պատրաստ է առաւելագոյն օգնութիւն ցուցաբերել:
Նախարարները պիտի քննարկեն նաեւ հայ-ազրպէյճանական յարաբերութիւններու կարգաւորման այլ առանցքային հարցեր, ներառեալ շրջանին մէջ փոխադրամիջոցային հաղորդակցութիւններու ապաշրջափակումը, Ազրպէյճանի եւ Հայաստանի միջեւ սահմանի սահմանազատումը, հասարակութեան եւ փորձագէտներու հաղորդակցութիւնները եւ խորհրդարանականներու միջեւ երկխօսութեան մեկնարկը:
Պայրամովի եւ Միրզոյեանի հետ երկկողմանի զրոյցներու ընթացքին կը նախատեսուի քննարկել ռուս-ազրպէյճանական եւ ռուս-հայկական օրակարգի արդիական հարցերը քաղաքական, առեւտրական, տնտեսական եւ մարդասիրական ոլորտներուն մէջ:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
