By Asbarez | Monday, 08 April 2019
ՊԱՔՈՒ, «Armenia.az».- Ռուսիոյ նախագահ Վլատիմիր Փութին Հայաստանի վարչապետ Նիկոլ Փաշինեանի հետ հեռաձայնային զրոյցին ընթացքին հաստատեց Մոսկուայի պատրաստակամութիւնը՝ այսուհետեւ եւս Արցախի հակամարտութեան կարգաւորման աջակցելու։
Այս լուրը հաղորդեց ռուսական «ՌԻԱ Նովոսթի» լրատու գործակալութիւնը՝ յղում կատարելով Քրեմլինի մամլոյ ծառայութեան:
«Վլատիմիր Փութին հաստատեց հետագային եւս, ներառեալ՝ նաեւ ԵԱՀԿ Մինսկի խմբակին միջոցաւ, կարգաւորման առանցքային հարցերուն մէջ լուծումներ գտնելու՝ կողմերուն ջանքերուն աջակցելու Ռուսիոյ պատրաստակամութիւնը», գրուած է Քրեմլինի հաղորդագրութեան մէջ:
Նշենք, որ Երեւան տեղեկացուցած էր, թէ անցեալ Ուրբաթ օր, Վիեննայի մէջ տեղի ունեցած Ատրպէյճանի նախագահին եւ Փաշինեանի միջեւ հանդիպման մասին, Հայաստանի վարչապետը տեղեկութիւններ փոխանցած է Փութինին, անոր հետ հեռաձայնային զրոյցի մը ընթացքին։
«Նիկոլ Փաշինեան եւ Վլատիմիր Փութին քննարկեցին հայ-ռուսական համագործակցութեան օրակարգին վերաբերող զանազան հարցեր: Կողմերը կարեւոր համարեցին 4 Ապրիլին, Մոսկուայի մէջ տեղի ունենալիք Հայ-ռուսական միջկառավարական համատեղ յանձնաժողովի հերթական նիստը եւ վերջինիս ծիրին մէջ քննարկուելիք հարցերը: Նշուեցաւ, որ կան նախադրեալներ՝ հայ-ռուսական երկկողմանի առեւտուրի ծաւալներու ընդլայնման համար: Զրուցակիցները կարծիքներ փոխանակեցին նաեւ ԵԱՏՄի շրջանակներուն մէջ համագործակցութեան եւ համարկումի գործընթացներուն վերաբերեալ», կ՛ըսուի հաղորդագրութեան մէջ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
