By Asbarez | Wednesday, 15 January 2020
ՊԷՅՐՈՒԹ, «Ազդակ».- Մինչ Լիբանանի յաջորդ կառավարութեան կազմութեան հոլովոյթը կը մնայ տեղքայլի մէջ, ցուցարարները վերջին քանի մը օրերուն վերադարձան փողոց, իրենց բողոքը արտայայտելու:
13 Յունուարին, ցուցարարները փակեցին Զահլէի պետական կարգ մը կեդրոններ եւ արգիլեցին, որ պաշտօնեաները մուտք գործեն:
Միւս կողմէ, ցուցարարներ բողոքի ցոյց մը կատարեցին Պաալպեքի Կեդրոնական դրամատան դիմաց, ուր ապահովութեան ուժերը որդեգրած էին ապահովական խիստ միջոցառումներ:
Ցուցարարները անդադար կրկ-նեցին երկրին ելեւմտական եւ դրամատնային քաղաքականութիւնը դատապարտող կարգախօսներ:
Թրիփոլիի մէջ ցուցարարներ բողոքի ցոյց մը կատարեցին ելեւմտայարկի յատուկ կառոյցին դիմաց եւ արգիլեցին պաշտօնէութեան շէնք մուտքը:
Երեկոյեան ցուցարարներ փակեցին Սայտայի Էլիա հրապարակը, ուր վրաններ լարեցին: Այդ պատճառով ալ անոնք բախումներ ունեցան լիբանանեան բանակին հետ, որ փորձեց վերաբանալ ճամբան: Բախումները պատճառեցին 5 վիրաւորներ:
Պէյրութի պարագային, ցուցարարները Երկուշաբթի երեկոյեան փակեցին Ռինկի կամուրջը, սակայն Ռինկէն Էշրեֆիէ տանող անցքը բաց պահեցին: Ուշ գիշերին, ցուցարարներ փակեցին Համրայի Կեդրոնական դրամատան ճամբան՝ դատապարտելով դրամատնային քաղաքականութիւնը: Մեծ թիւով ներքին ապահովութեան ուժեր ուղղուեցան Կեդրոնական դրամատուն եւ շրջափակեցին զայն: Աւելի ուշ, ցուցարարները ողողեցին Ռիատ Սոլհի հրապարակը:
comments
Չեխիոյ Ծերակոյտը Կը Դատապարտէ Հայոց Ցեղասպանութիւնը
Փաշինեան Հաստատեց, Որ Հայաստանի Եւ Իրանի Յարաբերութիւնները Աշխոյժ Կերպով Կը Զարգանան
Էրտողան Ամերիկայի Տրամադրուած Աջակցութիւնը Կը Կապէ Յարաբերութիւններու Բարելաւման Հետ
Կիւլենական Հիմնարկ Մը Ցեղասպանութիւնը Կը Ճանչնայ
Կարօ Փայլան Էրտողանի Համար Ամօթալի Կը Համարէ Փութինի Հետ Հանդիպումը
Առնուազն Երեք Թուրք Զինուորներ Սպաննուեցան Փութին-Էրտողան Հանդիպման Նախօրեակին
Ղարաբաղը Նաեւ Թուրքիոյ Խնդիրն Է. Էրտողան
Հալէպի Օդակայանը Պիտի Վերաբացուի
