facebook twitter links
July 19 2018 | 12:12pm AET

ՀԱՊԿի Ընդհանուր Քարտուղարի պարտականութիւնները ստանձնած է Վալերի Սեմերիքով

Source: Asbarez | Thursday, 05 January 2017
Email  |  Print 

0104valery

ԵՐԵՒԱՆ - Հաւաքական անվտանգութեան պայմանագիրի կազմակերպութեան (ՀԱԿՊ) ընդհանուր քարտուղարի տեղակալ Վալերի Սեմերիքով 1 Յունուար 2017էն կը ստանձնէ ՀԱՊԿի ընդհանուր քարտուղարի պաշտօնը։ Այս լուրը փոխանցած է կազմակերպութեան մամլոյ ծառայութիւնը:

<<2016ի Դեկտեմբեր 31ին լրացաւ ՀԱՊԿի ընդհանուր քարտուղար Նիքոլայ Պորտիւժայի լիազօրութիւններու ժամկէտը, եւ 1 Յունուար 2017էն այս պարտականութիւնները կը ստանձնէ ՀԱՊԿի ընդհանուր քարտուղարի տեղակալ Վալերի Անաթոլիի Սեմերիքով>>, նշուած է հաղորդագրութեան մէջ։

Նախապէս հաղորդուած է, որ Ս. Փեթերսպուրկի մէջ Եւրասիական տնտեսական բարձրագոյն խորհուրդի նիստէն ետք տեղի ունեցած ՀԱՊԿ Հաւաքական անվտանգութեան խորհուրդի նստաշրջանին Պելոռուսի նախագահի բացակայութեան եւ այդ պատճառով անհրաժեշտ մեծամասնութիւն չգոյանալուն լոյսին տակ ընդհանուր քարտուղարի նշանակման հարցը յետաձգուած է մինչեւ Ապրիլ 2017ին կայանալիք կազմակերպութեան Հաւաքական անվտանգութեան խորհուրդի յաջորդ նստաշրջան:

Իսկ նախքան այդ՝ աշնան սկիզբը, Հայաստան չստանձնեց ՀԱՊԿի նախագահութիւնը, քանի որ այն ատեն ալ Ղազախիստանի նախագահ Նուրսուլթան Նազարպաեւը չմասնակցելով ՀԱՊԿի Երեւանի մէջ կայացած հանդիպման՝ պատճառաբանելով, որ հիւանդ է:

 






More Headlines