By Asbarez | Saturday, 04 November 2017
ՊՈԼԻՍ.- Թուրքիոյ մէջ զինուորական ծառայութեան ժամանակ ծառայակիցի մը կողմէ սպաննուած Սեւակ Շահին Պալըքճիի մահէն 6 տարի ետք, ոճիրը դարձեալ պիտի քննուի, այս անգամ՝ քաղաքացիական դատարանի մը կողմէ:
«Ակօս» թերթը կը տեղեկացնէ, թէ քաղաքացիական դատարանին մէջ Սեւակ Պալըքճիի սպանութեան դատական առաջին նիստը պիտի կայանայ 2018ի Փետրուար 8ին:
Նշենք, որ 2011ի Ապրիլ 24ին, Սեւակ սպաննուած էր թուրք զինուորի մը կողմէ։ Պնդուած էր, թէ ոճիրը պատահած էր պատահաբար արձակուած կրակոցի մը իբրեւ հետեւանք: Սակայն, Սեւակին ծնողները կը պնդեն, որ իրենց որդին սպաննուած է ազգայնականութեան հողի վրայ՝ հայ ըլլալուն համար:
Դատարանը 4.5 տարուան բանտարկութեան դատապարտած էր Սեւակին զինակիցը՝ անփութութեան իբրեւ հետեւանք մարդ սպաննելուն համար: Սակայն զինուորական վճռաբեկ դատարանը բեկանած էր վճիռը։ 2016ի Յուլիս 15ի յեղաշրջման փորձէն ետք, յատուկ որոշումով մը՝ Թուրքիոյ մէջ վերացուեցան ռազմական դատարանները: Այս որոշումէն ետք յայտնի դարձաւ, որ Տիգրանակերտի ռազմական դատարանին մէջ ընթացող Սեւակի սպանութեան գործը պիտի տեղափոխուի Քոզլուքի քաղաքացիական դատարան:
comments
Australia Live By Armenia Media: Abraham Gasparyan Pt.2
Australia Live By Armenia Media: Abraham Gasparyan
Australia Live By Armenia Media: Silva Karakhanian
ՀՕՄ-ի, ՀՄԸՄ-ի եւ Համազգայինի Գործունէութեան Եւ Ապագայ Ծրագիրներու Ներկայացում
Կարէն Խաչանով Կիսաւարտականին Պարտուեցաւ Եւ Հասաւ 18րդ Դիրք