By Asbarez | Thursday, 12 April 2018
ԱՐՊԻԼ - Թուրքիոյ քրտամէտ Ժողովուրդներու ժողովրդավարական կուսակցութեան մէկ պատուիրակութիւնը մեկնած է հիւսիսային Իրաքի Քրտական ինքնավար մարզի մայրաքաղաք Արպիլ, տեղի իշխանութիւններուն հետ բարձր մակարդակի հանդիպումներ ունենալու նպատակով:
Քրտական <<Ռուտաու>> լրատու գործակալութիւնը կը հաղորդէ, թէ Թուրքիայէն գացած քրտական պատուիրակութիւնը հանդիպում ունեցած է Քրտական ինքնավար մարզի նախկին նախագահ Մասուտ Պարզանիի եւ ներկայ վարչապետ Նեչիրվան Պարզանիի հետ:
Ժողովուրդներու ժողովրդավարական կուսակցութեան պատուիրակութիւնը կը գլխաւորէր կուսակցութեան բանբեր եւ Թուրքիոյ խորհրդարանի Ուրֆայէն ընտրուած երեսփոխան Օսման Պայտեմիրը: Ան կոչ ուղղած է միաւորելու քրտական քաղաքական բոլոր ուժերը՝ բացառելու համար իրարու միջեւ բախումներն ու անոնցմէ բխող քաղաքական ցնցումները: Ըստ անոր՝ քիւրտ ժողովուրդի քաղաքական կարգավիճակին յստակացումը խաղաղութիւն ու կայունութիւն պիտի բերէ Միջին Արեւելքին:
<<Եթէ համագործակցինք ճի՛շդ ձեւով, կարելի պիտի ըլլայ Թուրքիոյ արեւմուտքի ժողովրդավարացման առաջնորդող քայլերու դիմել՝ տեղւոյն ընդդիմադիր ուժերուն հետ: Եթէ մենք չկարենանք ճիշդ ձեւով գործակցիլ, ապա միւսներուն հետ դաշինքներ կնքելը անիմաստ է>>, ըսած է Պայտեմիր:
comments
Պաքուի Համար Քարոզչութիւն Կատարած Հիմնարկը Նաեւ Շուէտի Կառավարութեան Խորհրդատուութիւն Կատարած Է
Արցախի Հայերը Պէտք Է Ատրպէյճանի Քաղաքացիութիւն Ընդունին․ Մամետեարով
Ուրուկուէյի Ծերակոյտը Չվաւերացուց Թուրքիոյ Դեսպանին Նշանակումը
Չաւուշօղլու Յորդորեց Հայաստանին Աւելի Համարձակ Ըլլալ
Ուաշինկթըն Կաջակցի Թուրքիոյ Էֆ․16ներու Վաճառքին
Ձեր Անօդաչու Թռչող Սարքերը Մեր Զինուորները Կը Սպաննեն. Ռուսիոյ Դեսպանը Թուրքիոյ
ԵԱՀԿի Նախագահը Երեւանին Եւ Պաքուին Կոչ Ուղղեց Բարեխղճօրէն Մասնակցելու Բանակցութիւններուն
Լաւրով Եւ Պայրամով Քննարկեցին Եռակողմ Յայտարարութիւններու Գործադրութիւնը
Անթալիոյ Մէջ Հայաստանի, Թուրքիոյ Եւ Ատրպէյճանի Արտաքին Գործոց Նախարարներու Հանդիպո՞ւմ
Մոսկուա-Պաքու Հռչակագիրը Չի Հակասեր Ռուսիա-Հայաստան Կապերուն